Purefoods lalong umangat

Naitakas ng Pure-foods Chunkee ang 97-95 panalo laban sa Red Bull Barakos matapos sa tulong ni Noy Castillo na umiskor ng game-winning jumper sa huling 1.8 segundo ng laro na lalong nagpahigpit ng kapit ng Giants sa liderato ng San Mig Coffee-PBA Fiesta Conference na nagpa-tuloy kagabi sa Araneta Coliseum.

  Gusto pang humirit ng Barakos ng overtime ngunit nagmintis si Lordy Tugade sa kanyang mina-daling jumper na tuluyang nagkaloob sa Giants ng ikawalong panalo sa 10-laro upang higit na tuma-tag sa liderato.

"We were so scared on Red Bull and luckily we were able to pull through, especially when Noy hit that big shot," ani Pure-foods coach Ryan Gre-gorio.

Tumapos lamang si Castillo ng anim na pun-tos ngunit kinumplemen-tuhan nito ang 23-puntos ni James Yap at 22-mar-kers ni import Marquin Chandler upang ipalasap sa Barakos ang ikalimang talo sa 10-laro.

Nasayang ang eksplo-sibong laro ni Red Bull import Quemont Greer na tumapos ng 34-puntos, 14 nito ay sa ikaapat na quarter na sinapawan ng pagsasanib ng puwersa nina James Yap, Chan-dler, Kerby Raymundo at Mark Pingris.