Pananalasa ni Menk pipigilan ng Red Bull

Sunud-sunod ang pa-nalo ng Barangay Gi-nebra sapul nang bumalik si Eric Menk.

Nais ng Gin Kings na magtuluy-tuloy ang ma-gandang kapalarang ito sa kanilang pakikipag-harap sa mapanganib na Red Bull Barako sa main game ng San Mig Coffee-PBA Fiesta Cup na mag-papatuloy sa Araneta Co-liseum ngayon.

Siguradong magiging matensiyon ang sagu-paan ng Gin Kings at Barakos sa alas-7:25 ng gabi dahil may namuo nang rivalry sa dalawang koponang ito dahil sa kanilang maiinit na fans.

Sapul nang nagbalik aksiyon si Menk buhat sa pagkakasuspindi, apat na sunod na panalo na ang tinamasa ng Ginebra at nais nilang dugtungan ang kanilang winning streak upang makasulong sa ikalawang posisyon.

Nasa third place ang Gin Kings taglay ang 6-3 win-loss slate at kung magtatagumpay sila ay maagaw nila ang No. 2 spot mula sa Talk N Text na may 6-2 record sa likod ng nangungunang Pure-foods Chunkee na may 7-2 kartada.

Hangad naman ng Barakos na makabangon mula sa dalawang sunod na kabiguan sa tulong nina import Quemont Greer, Rico Villanueva, Mick Pennisi, Lordy Tu-gade at iba pa upang mai-angat ang 4-4 kartada.

Sa unang laro, mag-haharap naman ang de-fending champion San Miguel Beer at Air21 sa alas-4:40 ng hapon.

Sa likod ng pagpapalit ng import ng SMBeer na nagbalik kay Kwan John-son kapalit ni Rico Hill ay natalo pa rin sila laban sa Sta. Lucia Realty, 82-85 kamakalawa sanhi ng kanilang pagkakabaon sa kulelat na posisyon tag-lay ang 1-6 record habang ang Air21 naman ay may 3-5 record. (CVOchoa)