Limang events ang ibinigay ng Billiards and Snooker Congress of the Philippines (BSCP) kay Pagulayan para sa 2005 SEA Games sa Nobyembre.
Ang mga paglalaruang events ng 28-anyos na kampeon ng 2004 World 9-Ball sa 2005 SEA Games, ayon kay BSCP president Ernesto Fajardo, ay ang 8-ball singles at doubles, 9-ball singles, snooker doubles at snooker team.
"Binigyan natin siya ng three events sa pool at two events sa snooker dahil siya ang pinakamagaling na player natin ngayon," dahilan ni Fajardo.
Umatras si Reyes, ang 1999 World 9-Ball king, sa paglahok sa 2005 SEA Games dahilan sa sinasabing panlalabo ng kanyang mata, habang isang elbow injury naman ang rason ni Bustamante.
Nagpaalam naman kay Fajardo si Manalo, ang 2002 Asian Snooker titlist, para sumali sa $1-Milion 2005 King of the Hill tournament sa Orlando, Florida sa Nobyembre 30 hanggang Disyembre 4.
"Actually, Alex has been playing snooker in Canada. And in fact, he is one of the best snooker players ng Canada," ani Fajardo kay Pagulayan, binansagang ‘The Lion’ sa US Circuit.
Kabuuang 14 gintong medalya ang nakataya para sa billiards and snooker event ng 2005 SEA Games. (Russell Cadayona)