Pinay boxers kayang sumuntok ng 5 golds

Limang gintong medalya ang kayang ma-sweep ng RP boxing team sa nalalapit na 23rd Southeast Asian Games.

Ngunit hindi ang kani-lang lalaking squad, kundi ang mga babaeng fight-ers.

Ayon kay Barcelona Olympic bronze medalist Roel Velasco, kayang sumuntok ng Filipinas ng lahat ng gintong medal-yang nakataya sa Nov. 27-Dec. 5 biennial meet base na rin sa kani-kani-lang performance sa dala-wang international meets kamakailan.

"I’m confident the girls could do the job," pag-amin ng kapatid ng 1996 Atlanta Olympic silver medal winner na si Man-sueto ‘Onyok’ Velasco.

"After our impressive showing in the Asian and World Championships, I think nothing is possible," dagdag pa niya.

Isasagawa ng wo-men’s boxing ang kani-lang debut sa SEA Games sa kabila na ang RP men’s boxing team ay kinukunsiderang kabilang sa powerhouse squads sa meet na ito.

Anim na Filipino pugs ang nakapasok sa finals noong 2003 SEAG sa Vietnam ngunit si Harry Tanamor lamang ang siyang pinalad na manalo ng gintong medalya sa 48 kg. division.

Tatlo mula sa limang mahuhusay na babeng boxers ng bansa--sina Mitchell Martinez (light-weight), Gretchen Abaniel (finweight) at Analiza Dela Cruz (bantamweight) ang nanalo ng medalya sa nakaraang Asian Boxing Championships sa Kao-shiung, Taiwan.

Nagwagi si Martinez ng ginto sa 60-kg. weight ng kanyang igupo ang Indian na si Pranamika Borah sa bisa ng referee-stopped bout. Ito ang ikalawang Asian Boxing Championship title para sa Filipina.

Sina dela Cruz (52kg) at Abaniel (46kg) ay na-kuntento lamang sa silver medals. Nagbulsa rin sina Martinez at Abaniel ng bronze medal sa 3rd World Women’s Cham-pionships sa Moscow, Russia.

Sa kabila ng panalo ng women’s fighter, hindi pa rin nasisiyahan si Velasco.

"I’m confident but not satisfy. We still have a lot of things to improve, par-ticularly on our strategies," ani pa niya.