RP canoe/kayak at sailing teams kumpiyansa sa kanilang kampanya sa SEAG

Ang pamilyaridad sa kurso ang sandata ng RP canoe/kayak at sailing teams kaya kumpiyansa silang ma-ganda ang kanilang tsansa sa gold medal sa nalalapit na 23rd Southeast Asian Games.

Ayon sa mga coaches ng dalawang teams, kabisado na ng kani-kanilang koponan ang tubig ng Subic Bay kung saan gaganapin ang mga naturang events kaya siguradong may hometown advantage ang mga Pinoy.

Ayon kay sailing coach Rey Fidel, noong June pa nagsasanay ang mga Filipino bets sa Subic Bay Yatch Club kaya alam na alam na nila ang higop ng hangin at daloy ng tubig.

"We will be coming up with the final list of the team at the end of the month. This will give us more than enough time to further train and hone our skills for the Games in November.

Kumpiyansa rin ang canoe/kayak teams sa kanilang line-up na kabisado na rin ang pagbabago ng water current sa Subic Bay.

Ayon kay coach Leny Escollante, pumabor sa kanila ang desisyon ng mga SEA Games organizers na idaos ang canoe/kayak competition sa Subic at hindi sa naunang planong sa Laguna ito ganapin.

"Subic is an excellent choice for the canoe/kayak competitions. Athletes will definitely have a wonderful time doing their thing, with the wonderful scenery of the bay as backdrop," ani Escollante.

Bukod sa canoe/kayak at sailing competitons, ang iba pang events na gaganapin sa dating American naval base ay ang kompetisyon sa archery at triathlon.