Kakulangan sa oras para sa renobasyon ng mga venues, posibleng makaapekto sa hometown advantage ng atleta

Ang pagkagahol sa reno-basyon ng mga venues ang siyang magbabasura sa anu-mang 'hometown advantage' ng Pilipinas para sa darating na 23rd Southeast Asian Games.

Ayon kay Philippine Ama-teur Track and Field Associa-tion (PATAFA) president Go Teng Kok, magkakasabay sa kani-kanilang paggamit sa mga venues ang mga Pinoy at mga atleta ng 10 pang ban-sang lalahok sa nasabing bien-nial meet sa Nobyembre.

"We will definitely lost our hometown advantage against the likes of Vietnam, Thailand, Malaysia and Indonesia kasi magsasabay tayong lahat sa paggamit ng mga venues," wika ni Go.

Kasalukuyan pa ring gina-gawa ang maalamat nang mga venues sa Rizal Memorial Sports Complex sa Vito Cruz, Manila at sa PhilSports Com-plex sa Pasig City.

Hindi pa rin natatapos ang pagpapagawa sa Rizal Me-morial Track Oval na siyang gagamitin ng PATAFA para sa athletics event ng 2005 SEA Games.

Bukod sa track oval, ang iba pang kinukumpuni ng Phi-lippine Sports Commission (PSC) sa RMSC ay ang Ninoy Aquino Stadium, ang Rizal Me-morial Coliseum, ang lawn ten-nis center at ang gymnastics center.

Nakatakda ang nasabing biennial event sa Nobyembre 27 hanggang Disyembre 5 sa Metro Manila, Bacolod City, Cebu City at Subic. (Russell Cadayona)