Humakot si import Quemont Greer ng game-high 40 puntos, 23 rito ay kanyang kinolekta sa second half, upang ihatid ang Red Bull sa 76-75 tagumpay kontra Alaska sa San Mig Coffee-PBA Fiesta Conference kagabi sa Araneta Coliseum.
"I think this early he's got to be the best import at this point," sabi Guiao sa produkto ng DePaul University na nagbigay sa Barakos ng 75-72 ben-tahe sa huling 20.1 se-gundo ng fourth quarter mula sa one-handed slam dunk. "I hope he can sus-tain this kind of game and so as the support from the locals."
Ang split ni Greer matapos ang 3-pointer ni Tony Dela Cruz sa huling 4.2 segundo na nagtabla sa Alaska sa 75-75 ang nag-akay sa Red Bull sa panalo.
Pareho ngayong may 1-1 kartada ang Barakos at ang Aces, naantala ang hangad na 2-0 start.
Bukod sa 40 puntos, nagposte rin ang 6-foot-5 na si Greer ng 13 boards, 4 shotblocks at 2 assists para sa Barakos kasunod ang 12 marka ni Rico Villa-nueva. (RCadayona)