Kahit talo si Morales tuloy ang rematch

LOS ANGELES -- Isang malaking upset ang naitala ni American Zahir Raheem nang kanyang pabagsakin si Erik Morales sa pamamagitan ng unanimous decision matapos ang kanilang 12-round WBC lightweight bout sa Staples Center.

Sa likod ng pagkatalo ni Morales, tuloy pa rin ang nakatakdang January rematch nito laban kay Manny Pacquiao, ani Top Rank big boss Bob Arum.

"It’s not going to derail the rematch. We’re going ahead with that fight," ani Arum, na nadismaya sa pagkatalo ni Morales na lumasap ng kanyang ikatlong kabiguan sa kanyang 12-taong career.

Ang rematch ay naka-schedule tentatively sa January 21 sa Las Vegas.

Sina Pacquiao at Morales na nanalo sa kanilang unang pagkikita noong Marso sa MGM Grand ay guaranteed ng hindi bababa sa $1.75 million bawat isa sa re-match.