Ipagdasal natin si Manny Pacquiao

Binubuksan ng BAP ang mga kamay nito para makipag-usap sa POC.

Nagpa-open letter pa sila at ibinigay ang intensiyon nilang makipagkasundo at makipag-ayos sa kanila.

Indeed a great move.

Sana naman Mr. Peping Cojuangco ay buksan mo na rin ang mga pinto nyo para matuloy ito at ng makasali ang RP team sa darating na SEA Games.

I just hope ma ma-realize ni Mr. Peping na maraming Pinoy ang umaasa dito.

I hope Mr. Peping will realize na hindi ang BAP o hindi si Graham Lim ang may kasalanan ng pagbagsak ng basketball dito sa Pilipinas.

Sana'y mabuksan ang mga mata nila sa katotohanang alam naman natin kung ano talaga ang dahilan at bumagsak ang basketball sa ating bansa.

Tigilan na natin ang sisihan, please lang.

* * *

Congratulations sa UPHSD sa pagkapanalo nila sa NCAA cheerdance competition.

Talaga namang ang laki-laki ng inimprove ng UPHSD team sa cheerdancing.

Ano naman kaya ang nangyari sa MIT Cheering Cardinals na last year eh champion pero ngayon eh biglang naging seventh place na lang?

* * *

Ipagdasal po natin si Manny Pacquiao sa laban niya bukas.

Kailangang kailangan natin ang panalo ni Manny para panandaliang ma-unite muli ang mga Pilipino.

* * *

Aba, aba, mukhang FEU at UE pa ang makakakuha ng twice-to-beat advantage sa semis ng UAAP.

Mukhang ang Ateneo at La Salle pa ang babagsak sa No.3 and No.4 slots sa Final Four.

Pag nangyari yan, ibig sabihin, puwedeng pang magka-roon ng Ateneo-La Salle Finals ngayong taon na ito.

* * *

Personal: Happy birthday and happy reading sa aming kaibigan na si Ms. Virgie Santos na isang avid fan ng PBA. Pati na rin sa kanyang anak na si Carmela Santos na magse-celebrate naman sa Sept.17.