8 golds sinilo ng RP cyclists

Humakot ng walong gintong medalya ang mga Filipino cyclists sa Chiang Mai velodrome sa ginaganap na Queen’s Cup Cycling Champion-ships sa Thailand na nagpalakas sa tsansa ng mga Pinoy sa paghahari sa track com-petition sa nalalapit na 23rd Southeast Asian Games.

Sumungkit ng dala-wang ginto si Jan Paul Morales -- sprint (11.72 seconds) at 20 laps scratch race-- at Nilo Estayo, isang beterano ng Tour na ang talento ay nagniningning ng husto sa track, makaraang manguna sa Keirin-- upang banderahan ang pananalasa ng mga Pinoy sa 333.33 meter concrete velodrome na ginamit noong mag-host ang Chiang Mai noong 1995.

Bukod kay Estayo, ang iba pang gold medal winners ay sina Arnold Marcelo (53 points) sa 25-km points race, Edwin Paragoso sa elimination race, Alfie Catalan sa 4-km individual pursuit, Joeffrey Talaver sa 1-km individual time trial at Paterno Curtan at muli sina Talaver at Estayo sa team sprint.

Ang team ay binubuo ng walong riders, na kalahati nito ay mga first-timers sa abroad na sina Morales, Marcelo, Alvin Benosa at Paragoso.

Nakopo naman ni Marcelo ang silver medals sa 4-km individual pursuit at 20-km scratch race, at muli si Talaver sa keirin, Benosa sa 25-km points race, Catalan sa elimina-tion race at Estayo sa 1-km ITT. Sinungkit ni Paragoso ang gold sa sprint race bronze medal at Marcelo sa elimination race.

"The boys‚ times are on track," ani Jomel Lo-renzo. Pinili ng PhilCycling coaching staff ang Southeast Asian races-- bukod pa sa Asian Mountain Bike Cham-pionships na ginanap sa Bali at Tour of Indonesia sa September-- bilang foreign exposures ng Nationals.