Usa sa mga paagi aron makabalik ang magdudula ngadto sa konsentrasyon mao ang pagpangita'g positive mental thought nga magamit sa magdudula diha sa iyang pagdula. Kinahanglang palihukon sa magdudula ang iyang utok. Dili siya angay magpadaog sa presyur. Kinahanglang mabuntog niya ang presyur pinaagi sa labing pino nga sistema.
Ang rumbo sa bola
Adunay mga higayon nga ang magdudula makaamgo nga naguba nila ang kaugalingon nilang plano sa dula ug wala maka-concentrate pag-ayo ilabi na sa sitwasyon sa bug-at nga pressure atol sa usa ka league tournament o kompetisyon. Dili gayod kini kalikayan usahay sa mga magdudula. Apan sumala pa sa Pool and Billiard Magazine, adunay sekreto aron mobalik ang konsentrasyon sa magdudula ngadto sa iyang pagdula ug makalingkawas siya sa presyur.
Usa sa mga paagi aron makabalik ang magdudula ngadto sa konsentrasyon mao ang pagpangita'g positive mental thought nga magamit sa magdudula diha sa iyang pagdula. Kinahanglang palihukon sa magdudula ang iyang utok. Dili siya angay magpadaog sa presyur. Kinahanglang mabuntog niya ang presyur pinaagi sa labing pino nga sistema.
Sumala pa sa mga eskperto sa dulang bilyar, walay laing makatabang sa magdudula aron mabuntog ang presyur nga nahiaguman kondili siya ra mismo. Ang bisan unsang tambag gikan sa laing indibidwal posibleng dili magpulos kun ang hingtungdan dili madawat sa maong tambag o pagdasig. Busa anaa ra gayod sa magdudula ang tanan -- kun magpadaog ba siya sa presyur o manlimbasog sa pagbuntog niini. Hinuon, mas bentaha kun may moral support gikan sa lain. Apan ang katibuk-ang paningkamot aron molampos maoy gimbuhaton sa usa ka magdudula, dili sa iyang mga magtatambag. Kana maoy klaro.
Usa sa gihatag nga sugyot sa Pool and Billiard Magazine aron makabalik sa konsentrasyon ang magdudula pinaagi sa pagpangita og positive mental thought mao ang pagsuta sa rumbo sa bola. Importante kaayo ang pagsuta sa rumbo sa bola tungod kay mao kini ang magdeterminar kun molampos ba o mosipyat ang usa ka tira. Kun molampos ang tira, seguradong makapabalik kini sa kadasig sa magdudula. Makapalagsik kini sa iyang kasibot. Makapabuhi kini sa iyang dugo. Busa klaro kaayo nga usa sa mga paagi sa pagpabalik sa konsentrasyon sa magdudula atol sa pressure situation mao ang pagsuta sa rumbo sa bola. Kinahanglang matino kun ang rumbo niini mao ang pocket. Kun mao, seguradong molampos ang tayada. Ug mabukas ang laing pultahan sa paglaom.
(For comments and suggestions text at 0910-8105522 o mag-email sa cuetime_banat@yahoo.com)
Usa sa mga paagi aron makabalik ang magdudula ngadto sa konsentrasyon mao ang pagpangita'g positive mental thought nga magamit sa magdudula diha sa iyang pagdula. Kinahanglang palihukon sa magdudula ang iyang utok. Dili siya angay magpadaog sa presyur. Kinahanglang mabuntog niya ang presyur pinaagi sa labing pino nga sistema.