Akiko Thompson mo-anhi sa Cebu

Si Thompson mobisita sa mga unibersidad aron paghatag og dugang kahibawo sa mga Sugbuanon sa umaabot nga Southeast Asian Games (SEAG) ug pagkuha og dakung suporta alang sa maong kompetisyon diin ang atong nasud maoy mo-host niini karong Nobiyembre 27 hangtud sa Disyembre 5.

Si Thompson, kinsa usa sa mga tigpamaba sa ika-23rd SEAG, uban ni Raul Dominic Badilla, ang executive director ug chief operating officer sa National Youth Commission (NYC) alang sa maong Campus Tour.

"Since Cebu City was chosen as one of the LGU's to host the games, it is imperative upon us here in Cebu to help make the games successful," matud pang Cebu SOC chairman Jonathan Guardo.

Gawas sa pagpalambo sa suporta sa SEAG, ang maong Campus Tour naglatid usab sa pag-enganyo sa mga estudyante sa paghatag og bolontaryong suporta atol unya sa maong kalihukan.

"An important component to the running of the Games is a corps of volunteers to provide support and services during the games," matud pang Rev. Fr. Vicente L. Uy, SVD, ang chairman sa Committee on Volunteers.

Mga unibersidad nga bisitahon ni Thompson mao ang University of Southern Philippines, Cebu Doctor's University, Velez College, Southwestern University, University of San Carlos, University of the Visayas, University of Cebu, University of San Jose-Recoletos, Cebu Eastern College, Cebu Institute of Technology ug ang Don Bosco Technological College.

Ang CebuSoc sa laing bahin, nagsugod na sa pagpanawat og mga aplikante alang sa volunteers.

Ang volunteer application form makuha didto sa opisina sa Philippine Sports Commission sa Cebu City Sports Center.