PBA Rookie Camp sa Agosto 6 at 7

May pagkakataon ang 54 aplikante sa nalalapit na PBA Draft na maipakita ang kanilang husay sa pagdaraos ng liga ng dalawang araw na Rookie Camp sa linggong ito.

Mismong si Norman Black, isa sa winningest coach sa kasaysayan ng PBA at kasalukuyang coach ng Ateneo Blue Eagles sa UAAP ang mamamahala sa camp na gaganapin sa Moro Lorenzo gym at Marikina Sports Complex, ayon sa pagkakasunod.

Ang unang araw ng camp ay sa Agosto 6, Saba-do sa Moro Lorenzo gym at ito ay eksklusibo sa mga coach ng PBA teams mula alas-6 hanggang alas-10 ng gabi sa susunod na araw, Agosto 7, Linggo, bukas naman sa publiko ang naturang camp mula alas-4 ng hapon hanggang alas-7 ng gabi sa Marikina Sports Complex.