Baby Dolphins sinakmal ng Red Cubs

Humugot si forward Teree Guillermo ng 14 sa kanyang 21 produksyon sa third quarter upang tulungan ang nagdedepensang San Beda Red Cubs sa 79-65 paglampaso sa Philippine Christian University Baby Dolphins sa pagbubukas ng 81st NCAA juniors‚ basketball kahapon sa Cuneta Astrodome.

Buhat sa maikling 31-30 lamang sa first half, sumagitsit ang Red Cubs sa third period kung saan nagpasikat ang 6-foot-2 na si Guillermo upang makalayo sa Baby Dolphins sa 59-42 sa pagpinid nito.

Sa ikalawang laro, sumandal naman ang Letran Squires sa game-high 25 puntos ng bagitong si Darrel Green upang igupo ang Perpetual Altalettes, 98-41. (Ulat ni Russell Cadayona)