SCBHABA Summer Cup duwaon na sab og balik

Mobalik na sab ang aksiyon sa Osaka Iridology-San Carlos Boys' High Allumni Basketball Association (SCBHABA) Summer Cup karong adlawa uban ang quarterfinal playoff diha sa USC-BHS gym.

Sa Division I, ang league leader B-Meg '85 nga nagtangag og 12-2 win-loss record, maglaum gihapon nilang Edwin Banaag ug Lou Regidor diin ilang harungong ang Crystal Life/Serabat '83/'87, nga gipangulohan sab nilang SCBHABA assistant secretary-general Rey Honorio ug Jess Gerali.

Si Pepito Mata, mao usab ang mangulo sa second-seeded Osaka Iridology '86 ug sangkaon ang Dominique Pharma '80/'82 ni SCBHABA VP Earl Balangkig ug sa sharpshooter niining si Jonathan Diaz.

Ang guest team PTA-USC-BHS nga nagbitbit og 9-5 win-loss card makigharong sa Oceanjet '81/'84 nga gipangulohan nilang Dean Wong ug Jeffrey Diaz.

Sa Division II, ang RC Goldline '94 awtomatik nang mi-abante sa semifinal round human mitapos sa elimination round bitbit ang 10-2 card.

Ang second seed JS Contractors '96 nga gimaneho nilang Julius Depareine ug Maye Avenido makigsangka batok sa UniSports '90.

Ang defending SCBHABA overall champion ug Inter-Alumni titlists Atan Guardo '93 nga pangulohan nilang former USC Warrior ug Inter-Alumni MVP Leon Floro 'Bong' Eleazar, 2004 SCBHABA MVP Roy Jumao-as Jr. ug swingman Jade Ylanan mosugod og depensa sa ilang titulo batok sa comebacking 33.3 Cruzaders '98.