Welcoat vs Montaña sa PBL Finals

Katulad ng sinabi ni Magnolia-FEU head coach Koy Banal, malaki ang bentahe ni Welcoat Paints mentor Caloy Garcia pagdating sa eksperyensa.

Pinatotohanan ito ng Paint Masters nang gibain ang Wizards, 70-67, sa kanilang do-or-die match sa Game 4 ng kanilang best-of-five semifinals series para umabante sa finals ng 2005 PBL Unity Cup kahapon sa Pasig Sports Center.

Sa kinuhang 3-2 pa-nalo sa serye, makakasa-gupa ng Welcoat ang Montaña Pawnshop para sa best-of-five champion-ship series na hahataw bukas sa Cuneta Astro-dome sa Pasay City, habang mag-aagawan naman ang Magnolia-FEU at Granny Goose Kornets para sa third place trophy.

Nakahirit ng 20 marka kay Fil-American Anthony Washington, 13 kay Leo Najorda at tig-12 kina Eugene Tan at Erwin Sta. Maria ang Welcoat sa pagsagupa nila sa Jewels ni Robert Sison sa finals.

Nagposte ng isang 10-point advantage ang Welcoat sa first half, 38-28, bago ito putulin ng Magnolia-FEU sa 60-64 mula sa isang basket at freethrow ni Denok Miranda sa 4:14 ng fourth quarter.

Isang jumpshot ni Washington at drive ni Tan ang naglatag sa 68-60 bentahe ng Paint Masters sa huling 3:09 ng sagu-paan hanggang makadikit ang Wizards sa 67-70 galing kina Miranda, Cesar Catli at Neil Rane-ses sa natitirang 17.7 tikada. (Ulat ni RCadayona)