Italian Team darating

Darating sa bansa ang bata at matangkad na Italian Team, na gigiyahan ng kanilang assistant national coach para subukan ang RP-FIBA Asia Men’s basketball team sa una sa dalawang nakatakdang laro sa pocket tournament na magsisimula sa Linggo sa Araneta Coliseum.

Ang Pirelli Stranges Papo Movie, na hinubog ng malakas na pagtatapos sa iba’t ibang European Leagues kabilang na ang Super Cup na kanilang napagwagian, ay darating sa Huwebes para sa lingguhang torneo na tatampukan ng team mula sa Iran at national training pool ni National coach Chot Reyes na hinati sa dalawang grupo.

Ang Pirelli Stranges Papo Movie team, na sinunod sa pangalan ng kanilang patron na si Riccardo Stranges at itataguyod ng Pirelli ay sina Marco Balzarotti, 21, 1.90 meters, small forward; Oscar Bordin, 24, 1.95 meters, power forward; Marco Beppato, 21, 1.97, small forward; Angelo Casellato, 27, 1.95 meters, power forward; Stefano Cislaghi, 19, 1.85 meters, point guard; Matteo Marmonti, 21, 1.86 meters, shooting guard; Oscar Mazzocco, 21, 2.05, center; Fabrizio Meda, 19, 1.76, point guard; Marco Rho, 21, 2.00, center, Aleandro Erminio, and Garry Panganiban.