RP jins puntang Spain

Magpapakita ng aksiyon ang Petron Philippine taekwondo team sa 17th men’s at 9th women’s World Taekwondo Championship sa Abril 13-17 sa Madrid, Spain.

Ayon kay Philippine Taekwondo Association president Robert N. Aventajado, mahigit sa 80 hanggang 100 bansa ang maglalaban-laban para sa karangalan sa prestihiyosong international event. Kabilang dito ang Korea, Spain, Amerika, Chinese Taipei, Australia, France at Turkey.

Pangungunahan ni PTA vice president Sung Chon Hong ang Petron RP delegation.

Ang 10 sa mga atleta ay binubuo nina Athens Olympic veterans Tshomlee Go at Mary Antoniette Rivero, Manuel Rivero Jr., Ernesto Juan Mendoza III, Dax Alberto Morfe, Alexander Briones, Car-los Jose Padilla V, Kath-leen Eunice Alora, Aphrodite Brillantes at Loraine Catalan.

Sina Manolo Gabriel at Stephen Fernandez ang tatayong team mana-gers para sa men at women’s ayon sa pagkakasunod, habang ang mga coaches ay sina Victor Emmanuel Veneracion (men) at Jesus Morales III (women) at International referee Ceasar Mateo na kasamang aalis ng koponan.

Ang biyaheng ito ng koponan ay itinataguyod ng Philippine Sports Commission, Petron at First Gentleman’s Foundation (FGF).