Si Co Yu Kang, fourth year management student sa Jose Rizal University, ay inaasahang magpapalakas ng inside game ng Flight na siyang kulang sa team noong nakaraang kumperensiya na dahilan ng kanilang pangungulelat.
Ang No. 2 pick naman ay ang 6’5 na si Frankly Nailon mula sa University of Cebu na hinugot ng Toyota-Otis Letran habang ang No. 3 pick ay ang 6’5 na si Marvin Mercado, isa ring Cebuano, na pinili ng Granny Goose.
Ang iba pang na-draft sa unang round ay sina Romel Dizon, fourth pick ng Magnolia Ice Cream; Carlo Manding, fifth pick ng Montaña Pawnshop; at Jayson Tiongson, seventh pick ng Harbour Centre, tinanggap na provisional guest team ng PBL matapos magdisbanda ang AMP-Ateneo.
Ipinasa ng PBL ang mga players ng Ateneo sa Harbour Centre na sina L.A. Tenorio, Gabby Espinas, Rey Mendoza, Jason Castro, Jenkins Mesina at Magnum Membrere.
Mula sa 70-draft applicants, 19-lamang ang nakuha kahapon.
Ang mga nakuha sa second round ay sina Robert Labagala ng Air Phil, Robert Barnson ng Toyota-Letran, Richard Saladaga ng Granny Goose, Rovie Baguio ng Magnolia, Jeffrey Morial ng Welcoat at Edbert Ton ng Harbour Centre.
Ang Welcoat ay hum-got ng players sa limang rounds upang punan ang kanilang team dahil limang players lamang ang mare-retain sa kanila. (Ulat ni CVO)