Tugade, 5 Lhuillier players sumailalim sa fitness test

Sumailalim na sina Lordy Tugade ng Red Bull kasama ang limang players mula sa Cebuana Lhuillier sa physical fitness test ni national coach Chot Reyes kahapon para sa members ng RP training pool sa Moro Lorenzo Sports Center.

Hindi nagawa ni Mark Caguioa ng Ginebra ang fitness test dahil di pa lubusang magaling ang kanyang injury ngunit inaasahang magagawa niya ito sa susunod na linggo kasama ang apat na Talk N Text players na sina Willie Miller, Jimmy Alapag, Yancy de Ocampo at Mark Telan na nag- request ng postponement dahil sa kanilang practice schedule.

Hindi pa rin available ang mga inimbitahang players mula sa San Miguel Beer, Alaska, Purefoods, at Sta. Lucia Realty.

"I’m confident that we will get everyone next week," ani Reyes. "That’s why we have a two-week window, precisely to give allowances for the differences in schedules."

Dahil dito, nagkaroon ng tsansa si Reyes na kaliskisan ang limang players ng Cebuana Lhuillier na sina Nino Canaleta, Eman Samigue, shooter Emer Saldiua, J.R. Gerilla, at Pep Moore .

"With the blessing of Commissioner (Noli) Eala, we have begun exploring ways to integrate the program that we have in mind with the program that’s already in place with Cebuana Lhuillier," wika pa ni Reyes.