Brunei bugbog sa Spring Cooking Oil

Binugbog ng Spring Cooking Oil-Laguna ang Brunei National team, 138-81 noong Biyernes upang mana-tiling buhay ang kanilang tsansa sa semifinals ng 4th Shell Invitational basketball tournament sa indoor stadium sa Berakas, Brunei.

Nagsalpak ang six-foot-six guard na si Keith Friel ng 34 puntos, kabilang ang siyam mula sa 13 three-points area upang pangunahan ang Cooking Oil Masters ni Nathaniel ‘Tac’ Padilla at Laguna Gov. Teresita ‘Ning-ning’ Lazaro sa kanilang unang panalo matapos ang apat na laro.

"The boys poured it on from the start. They’re determined to make it to the next round," wika ni delegation head at NBC (National Basketball Confe-rence) secretary general Tito Palma.

Kailangan ng Spring-Laguna na talunin ang Han-kook Raiders ng Korea at Purefoods sa huling dalawang laro upang manatili sa konten-siyon.

Isiniguro ng Cooking Oil Masters ang kanilang panalo matapos na itala ang 71-38 pangunguna sa halftime na hindi na nila nilingon pa.

Kasalukuyang bumaban-dera ang Red Bull Barako at Koreans sa tourney na ito na may apat na sunod na panalo.