Nagtala ang United States-based swimmer na si Molina, 20-gulang ng bagong record sa men’s 200m breast-stroke matapos magtala ng tiyempong two-minutes at 19.19 seconds sa Aquatics center dito.
Nasira ni Molina ang 2:20.37 mark ni Lee Concepcion sa isang international meet sa Spain noong 1992.
Nagtapos ito bilang ikalawa sa kanyang heat matapos mauna sa 150-meter mark at 38th overall mula sa 46-man field.
"Kinapos sa last 50-meters," ani Philippine Amateur Swimming Association secretary-general Chito Rivera. "He gave his all in the first three laps kaya naubos."
Ito ang ikatlong event para sa 5-foot-10 na si Molina sa multi-event sportsfest.
Muling sasabak si Molina sa ikaapat at huling pagkakataon sa alas-10:00 ng umaga sa 200m individual medley trials.
Mapapasabak din ang Fil-American na si Jacklyn Pangilinan sa 200m breaststroke eliminations.
Dahil dito, natabunan ang masamang performance ng isa pang Fil-Am tanker na si James Bernard Walsh kamakalawa na nagtapos bilang ika-37th mula sa 39-man field ng 200m butterfly event sa kanyang oras na 2-minutes at 6.76 se-conds.
Noong isang araw, nalagpasan din ni Pangilinan ang kanyang perso-nal best sa 100m breast-stroke sa oras na 1:12.47. Ang dati niyang marka ay 1:12.87 bagamat ang kanyang national mark ay 1:11.72.