St. Francis mainit sa mata ng iba pang UCAA members

Ang lahat ay nakatuon sa defending champion St. Francis of Assisi, ngu-nit umaasa ang ibang koponan na magbibigay ng mabigat na hamon sa pagbubukas ng ikatlong season ng Universities and Colleges Athletics Association (UCAA) basketball tournament sa Huwebes (Aug. 5) sa Rizal Memorial Coliseum.

Ang Doves, kampeon sa nakalipas na dalawang season, ay nananatiling team-to-beat sa 8-member school meet bagamat ang ibang miyembro kabilang na ang host Emilio Aguinaldo College ay maaaring humatak ng sorpresa.

Ang lakas ng Generals ay masusubukan agad ng La Salle-Dasmariñas sa unang laro ng mabigat na four-game bill sa opening day, pagkatapos ng sim-ple ngunit makulay na student show.

Inimbitahan sina Ma-nila Mayor Lito Atienza at sportscaster/columnist Quinito Henson bilang espesyal na panauhin at tagapagsalita. Sila ay aasistihan ni Romeo Gabriel EAC PE director at UCAA president at EAC presi-dent Jose Paulo E. Campos, EdD. sa ceremonial toss.

Makakalaban naman ng St. Francis ang mahig-pit nilang karibal na Philip-pine School of Business Administration sa alas-11:30 ng umaga habang makikipagtipan naman ang La Salle-Manila sa Colegio de San Lorenzo sa ala-una ng hapon.

Tatapusin naman ng Olivarez College at National School of Business and Arts ang opener sa kanilang pagsasagupa sa alas-2:30 ng hapon.