JVC Open Badminton: AB Leisure,7 pangunahing kompanya sa quarterfinals

Walong pangunahing kompanya sa bansa na nakaligtas sa mainit na bakbakan sa eliminations, ang maglalaban-laban naman para sa semifinals berth ng mayamang JVC Open Badminton Cham-pionships sa panimula ng quarterfinals ngayon sa Glorietta Activity Center Makati City.

Nagparamdam na ang AB Leisure ng mainit nilang kampanya sa pagpapanatili sa titulo nang igupo nila ang Prudential Life, 2-1 sa round of 16 kahapon upang ang-kinin ang unang slot sa quar-terfinal round ng corporate division, na may nakalaang kabuang P70,000 pa-prem-yo na ang magwawagi ay mag-uuwi ng halagang P30,000. Habang sinusulat ang balitang ito kasalukuyang nakikipagpukpukan ang pito pang kompanya--RCBC, Asian Development Bank, Citibank, PLDT, Meralco, JG Summit, Philippine STAR, Ford Phils., Chowking, Jollibee, HSBC, Shell Exploration, ABS-CBN at Pilipinas Shell.

Ang aksiyon sa quarterfinal round ng corporate division ay magsisimula sa alas-11 ng umaga na ang opening ceremonies ng P1M event na ito, na itinataguyod ng electronics giant JVC, ay magsisimula sa alas-2 ng hapon kung saan mismong si Toshinori Yokokawa, presi-dent ng JVC Phils., ang mag-dedeklara ng pagbubukas na torneo.

Bukod sa corporate division, ang iba pang kategorya na nilalaro ay ang elite, juniors (16-under), veterans, celebrities at school team competitions.