Presensiya ng mga Pinoy fans ni Barros mas kinatatakutan ng kalaban

"Ang pinakamahusay na team ay malalaman sa Sabado!"

Ito ang pahayag ni Brazil women’s volleyball team trainer Carlos Bizzochi nang dumalo ito sa PSA Forum kahapon kasama ang kinatawan ng tatlo pang kalahaok na bansa sa Manila leg ng Sam-sung FIVB World Volleyball Grand Prix sa Manila Pa-vilion.

Ang torneo ay gaganapin mula July 16-18 sa PhilSports Arena.

Gayunpaman, hindi naman ito ang naging sentimiyento ng Poland, Dominican Republic at Korea na makikipaglaban sa Brazil sa taunang event na ito na sanction ng Federation International de Volleyball (FIVB) at inorganisa ng Philippine Amateur Volleyball Association.

"As of now I believe that Brazil is still the team to beat," ani Korean Head Coach Kim Cheol-Young.

Ito ay dahil na rin siguro sa presensiya ng mga fans ni superstar Leila Barros ang init ng apoy nito ang kinakatakutan mula sa oposisyon. Bukod sa pagiging isa sa may pinakamagandang mukha na manlalaro sa larangan ng volleyball, isa rin ito sa best attacker na kanyang nakuha sa buong daigdig dahil sa kanyang hard-hitting spikes. Matapos maglaro ng beach volleyball sa loob ng isang taon at kalahati, muling nagbabalik si Barros at bawat koponan ay may naghihintay na hamon sa pinapaborang Brazil.

"I am happy to play again along with some of my Brazilian team-mates and friends who helped write Brazilian volleyball history," wika naman ni Barros, na idinagdag din na ang lahat ng team ay may kapabilidad na magwagi at ibibigay ng Brazil ang lahat ng kanilang kakayahan para magwagi sa torneo.

"I hope that Brazil wins, although I must admit that would not be very easy," anang 32-year-old spiker na makakasama sina Erika Coimbra, Elisangela, Fermana Venturini, Oliviera Walewska, Paula Pequeno at Fabiana Claudino.

"We just played in Mexico last week for the Pan-Am games and just recently the team underwent joint training with the French in Montpellier. I am now excited in playing here for the grand prix be-cause this is an important experience for the team. I hope that we get to im-prove more after this tournament," wika naman ni Dominican Republic Assistant Coach Hector Romero, na nagsabi ding ang koponan ay sasandal sa kanilang tatlong mahuhusay na manlalaro para dalhin ang kanilang kopo-nan.

Samantala, sasandal naman ang Polish head coach na si Andrzej Niem-czyk, na dumalo din sa forum na hatid ng Agfa, Red Bull at Pioneer Insurance, sa kanyang 34-year old 2003 Women’s European Volleyball Championship Best Setter na si Magdalena Sliwa at Best Scorer/ Most Valuable Player awardee Malgorzeta Glinska.