Wushu sanshou course para sa kabataan

Ilulunsad ng beteranong Chinese coach Yu Zhi Bo ang three-level wushu sanshou (full contact) course sa July 15 para sa boys and girls 15-anyos pababa sa National Wushu Training Center sa itaas ng PCSM building sa Adriatico St., Malate.

Proyekto ng Wushu Federation of the Philippines sa ilalim ng pamamahala ni Julian Camacho, ang nasabing clinic ay nakatakdang ganapin sa araw ng Lunes, Miyerkules at Biyernes mula alas-6-7:30 p.m.

Mayroong P1,500 na babayaran ang bawat kalahok na i-evaluate matapos ang tatlong buwan para sa promotion sa susunod na level. Ang sinumang interesadong partido ay maaaring magpatala sa WFP headquarters, 4th floor, PCSM building Adriatico St., o kaya ay tumawag sa tel. no. 404-3492.