Billiards, Cojuangco sa PSA forum

Isang natatanging pagdalo ng ilang sports personalities sa bansa ang bubuo ng dalawang bahaging sesyon ng PSA forum bukas sa Manila Pavilion.

Sa unang bahagi, tatalakayin nina pool greats Efren ‘Bata’ Reyes, Francisco ‘Django’ Bustamante at iba pang miyembro ng Team Philippines ang kanilang tsansa sa nalalapit na kampanya sa World Pool Championships sa Taipei sa July 10 sa public sports program na itinataguyod ng Red Bull, Agfa Colors at Pagcor.

Ang ikalawang bahagi naman ng pang-alas-10:30 ng umagang sesyon ay dadaluhan ni equestrian chief Peping Cojuangco.