Ang Peristeri Hall sa Athens ang naging saksi sa pananalasa matapos walo sa sampung Cubano na pumasok sa finals ang nagsipanalo ng ginto sa isang pre-Olympic tournament.
Kabilang sa mga nagsipagwagi ay sina lightflyweight Ian Bartelemy, fly Yuriokis Gamboa, welter Mario Kindelan at middle Lorenzo Aragon.
Ang mga ito ay maaaring makasagupa nina Harry Tanamor, Violito Payla, Rome Brin at maging si Cris Camat.
Ginanap ang paboksing nito lamang Mayo 26 hanggang 31 at ito ay sinalihan ng 79 boksingero mula sa 24 na bansa kabilang, ang USA, Canada, Mexico, Turkey, Azerbaijan, Kazakshtan, Thailand at ang Korea.
Ang mga Pilipino ay kasalukuyang nagha-handa sa dalawa pang tournament sa Europa bago ang mga ito ay tutulak patungong Greece.