Kano 'di umubra sa Barakos

Pinasiklaban nina import Victor Thomas at Homer Se ang mga bisitang US Pro-Am team para sa 101-91 panalo sa pagpapatuloy ng quarterfinal phase ng PBA Gran Matador Fiesta Conference sa Araneta Coliseum kagabi.

Humakot si Thomas ng 27-puntos na sinigundahan naman ni Se ng kanyang conference-high na 20-puntos para sa ikalawang sunod na panalo ng Barakos sa round na ito na naglapit sa kanila sa top-two ng grupo na uusad sa best-of-three cross over semifinals.

Matapos masundan ng Red Bull ang 96-89 panalo sa San Miguel, halos nakakasiguro na sila sa susunod na round ngunit para ipormalisa ito ay kailangan nilang talunin ang Talk N Text sa Sabado para makumpleto ang sweep.

Nasayang ang 19-point performance ni Keith Friel at ang 16-puntos ni Courtney Eldrige sa kabiguan ng US Pro-Am sa kanilang debut game.

Buhat sa delikadong 86-84 kalamangan, nagtulong sina Thomas at Se para ilayo ang Barakos.

Naging sentro ng atensiyon ang match-up ng mga guwardiyang sina Jimwell Torion at ng kanyang counterpart na si Courtney Eldridge na tumapos ng 16-puntos sa likod ni Keith Friel na nanguna sa team na may 19 puntos.

Bukod kina Thomas at Se, naka-double digit din sina Enrico Villanueva (11), Torion (10) at Davonn Harp (10).