Nagbuhos si Juntilla ng career-high 21 puntos, sa makinang na 9-of-11 shooting, na siyang naging sandigan ng Teeth Sparklers sa pagposte ng kanilang unang panalo sa semifinals--ang 75-54 demo-lisyon sa Toyota Otis-Letran kahapon sa Pasig Sports Center.
Sinabi rin ni Hapee coach Junel Baculi na sa kabila ng malaking tagumpay na ito na tumapos sa magkasunod na pagkalampasong kanilang natamo sa kamay ng mga nangungunang Viva Mineral Water-FEU at Welcoat Paints noong nakaraang linggo, kailangan pa nilang pag-ibayuhin ang kanilang laro para manatili sa kontensiyon.
Kailangan pa ng Teeth Sparklers (6-7) na walisin ang natitira nilang tatlong asigna-tura upang makapuwersa ng playoff para sa huling finals seat sa bisa ng 4-of-6 incentive rule. Ganito rin ang sitwasyon ng Knights na ang karta ay nahulog sa 5-8.
Sa ikalawang laro, pinatatag naman ng Welcoat Paintmasters ang kanilang kapit sa ikalawang puwesto makaraang pigilan ang 9-game winning streak ng Viva Mineral Water, 81-67. (Ulat ni Ian Brion)