2004 Athens Olympics at 2005 SEAG tatalakayin

Pag-uusapan sa General Assembly ng Philippine Olympic Committee ngayon ang 23rd Southeast Asian Games na idaraos sa Pilipinas sa 2005 at ang darating na 2004 Olympic Games sa Athens, Greece.

"We’ll just tackle the activities regarding our preparation for the 2005 SEA Games as well as for the 2004 Athens Olympic Games this August," wika ni POC secretary-general Romeo Ribaño, presidente ng squash association kahapon.

Tatalakayin ni POC president Celso Dayrit, ang chairman ng Philippine SEA Games Organizing Committee (PHILSOC), ang development ukol sa paghahanda para sa hosting ng bansa sa meeting na gaganapin sa Cafe J restaurant sa Makati City.

"Siyempre, pag-uusapan na rin ‘yung mga tentative venues na sinabi ng PHILSOC na pag-darausan ng mga sports events for the 2005 SEA Games," ani Ribaño.

Ang mga gagamiting venues para sa biennial meet ay ang Manila, Pasay, Pasig, Parañaque, Subic Bay Freeport, Cavite, Makati at Bacolod.