JVC Open Badminton Championship bukas na

Ang huling araw ng pagpaparehistro para sa JVC Open Badminton Championship ay nakatakda sa Abril 2, habang opisyal na magsisimula ang torneo na eksklusibo para sa 14 years old pababa sa Abril 16 sa SM Megamall.

Ang mga entry forms ay maaring makuha sa mga sumusunod na SM malls North EDSA, Megamall, Southmall, Manila, Fairview, Sucat, Bicutan, Sta. Mesa at Pampanga. Para sa ilang detalye tumawag kay Alma Ledesma (0917-8152908) o Joann Enriquez (0918-5094845).

Ang torneo na idinesenyo para makadiskubre ng talento na maaaring sanayin at i-develop para sa national teams ay pormal na nagsimula noong Marso 27 at 28 sa pamamagitan ng clinic at serye ng exhibition matches sa matches at the SM North EDSA.

Ang mga events na paglalabanan sa dalawang-buwan na torneo ay ang boys’ and girls’ singles at doubles events at mixed doubles. Ang draw ay gaganapin sa Abril 12 5th level sa SM Manila’s Entertainment Plaza.

May katulad ding clinic-exhibition na nakatakda sa Abril 3-4 sa SM Baguio at sa SM Cebu naman sa Mayo 8-9. Huling host ang SM Iloilo sa Mayo 15-16.

Iho-host naman ng Pampanga ang event sa Abril 24-25.

Ang torneo ay suportado ng Alaska, Accel, Gosen, Toby’s Sports, Pioneer Life, Lactacyd, Tokyo Tokyo, The Philippine STAR, Agfa at Rudy Project, ay lilipat naman sa SM Southmall sa Las Piñas sa Mayo 22-23.

Ang semifinals at finals ay sa Mayo 28-29 sa SM Megamall, na magho-host din ng celebrity tournament sa Mayo 30.