Indonesia nililigawan si Eala

Nililigawan ng Indonesia Basketball League si PBA Commissioner Noli Eala.

Hindi lilipat si Eala sa Indonesia kundi hinihikayat ng IBL Commissioner si Eala na makipag-areglo sa isang deal ang PBA na tiyak na mag-aangat sa asosasyon.

Naririto sa bansa si Agus Antares Mauro, IBL Commissioner at Director, at nanonood ng PBA games kung saan nakipag-usap din ito kay Eala para sa posibilidad na dalhin sa Indonesia ang mga laro sa susunod na taon.

Inanyayahan ni Mauro ang dalawang PBA teams na lumahok sa kanilang dalawang linggong torneo sa Disyembre 2005. "This is what I discussed with the Com-missioner. We try to set something. Hopefully we can bring two PBA teams to play in Indonesia next year."

Bukod dito, sinabi din ng IBL commissioner na naghaha-nap sila ng Pinoy cager na pupwedeng maglaro bilang import sa Indon pro league.

"Now, we cannot use import players but I’m planning to have for the two-week tournament on December (2005) and I am looking for maybe China or Philippine’s players to play for the league," aniya.

Isa pang dahilan ng pagbisita ng commissioner ay upang mapanood ng live ang laro at matuto ng personal sa mga nagaganap sa PBA games.

"We want to see how the PBA has become so successful as an sports entertainment," ani Mauro.<