'Ang galing-galing ni Young'

Naghatid si import Galen Young ng triple-double performance para isulong ang Alaska sa kanilang ikatlong sunod na panalo nang kanilang ilampaso ang FedEx, 105-80 sa pag-usad ng eliminations ng PBA Gran Matador Fiesta Conference sa Araneta Coliseum kagabi.

Tumapos si Young ng 27-puntos, 12 rebounds at 12 assists para sa Aces na umangat na ngayon sa 4-1 panalo-talo at dikitan ang nangungunang San Miguel Beer na siyang natitirang team na wala pang talo sa kanilang malinis na 4-0 record.

Pinagpag ng Alaska ang mahigpit na hamon ng FedEx sa unang anim na minuto ng labanan at gumawa ng isang malaking run para tuluyang iwanan ang FedEx at kontrolin ang labanan.

Hindi naisalang ng Express ang kanilang bagong import na si Mike Maddox na nandito na sa bansa dahil nabigo itong makumpleto ang kan-yang mga kinakailangang papeles para makakuha ng working permit sa Bureau of Immigration.

Habang sinusulat ang balitang ito, kasaluku-yang naglalaban ang Sta. Lucia