'Basketball Superbody' malapit nang mabuo

Nagtipun-tipon ang mga opisyal ng pangunahing liga ng bansa para sa pagbuo ng ‘basketball superbody’ noong Miyerkules ng gabi upang tuluyan nang maibaon sa limot ang BAP-BAPI issue.

Nag-meeting ang mga kinatawan ng Philippine Basketball Association (PBA), Philippine Basketball Leaague (PBL), University Athletics Asso-ciation of the Philippines (UAAP), National Collegiate Athletics Association (NCAA) at ng Basketball Association of the Philippines Inc., ni Nic Jorge at nagkasundo sa pagbuo ng grupo na magbabalik ng basketball sa tamang landas.

Napagkasunduang ang PBA na pinangungunahan nina Chairman Buddy Encarnado at Commissioner Noli Eala, ang manguna sa natu-rang grupo na nagkasundong ayusin ang draft ng by-laws na inihanda ni dating Asian Basketball Confederation (ABC) Secretary General Moying Martelino.

Sina Commissioner Chino Trinidad, Deputy Commissioner Tommy Ong at assistant to the commissioner Butch Ma-niego ang kumatawan ng PBL na siyang may malaking papel sa unang su-perbody na binuo noong 2001.

Ang iba pang sumapi sa grupo ay ang UAAP na kinatawan ni lawyer Rene Ma. Villa at UP Chancellor Claro Llaguno, UPHR Chancellor Dr. Ramon Cercado at Mike Del Mundo ng NCAA, si Jorge at legal councel Cecil Cin-co ng BAPI, Rolly Omampo ng Referees Commis-sion at dating PBA Commissioner Jun Bernardino ang naging observer