Nestea Beach volley raratsada na

May kabuuang 72 koponan mula sa 46 na kolehiyo at unibersidad ang handa pa para sa pagbubukas ng Luzon eliminatons ng Nestea Beach Volley sa Pebrero 27-29 sa Rockwell Sand-court sa Makati City.

Bukod sa Luzon leg, magkakaroon din ng Visayas at Mindanao Eliminations, na gagana-pin naman sa Marso 12-14 sa Ayala Center Cebu.

Upang masiguro na lalong mas kapana-panabik at umaatikabo ang kompetisyon kumpara sa mga nakalipas nitong edisyon, ang mga kasaling koponan ay sinala ng husto.

Ang mga partisipante mula sa Luzon ay pinangungunahan ng defend-ing men’s champion San Sebastian College-Manila, kasama ang Central Colleges of the Philippines, UP, La Salle, St. Benilde, UPLB, PATTS, FEU, Adamson, Baguio College Foundation, San Sebastian-Cavite, Ly-ceum, Baguio U, Ateneo de Naga, Bulacan State U, Pampanga Agricultural College, PCU-Manila, Letran, PSBA, PNU, UA&P, St. Louis U, EAC, at San Beda.

Ang mga kalahok naman mula sa Visayas at Mindanao ay tinatam-pukan ng defending women’s titlist South Western U gayundin ang mga koponan mula sa Colegio dela Purisima Concepcion, Foundation U, Iloilo Doctors College, University of Iloilo, University of San Agustin, UV, USC, USJ-R, UNO-R, UC, Siliman U, Ateneo de Davao, Davao Doctors, MSU, Misamis U, UM, UM-Tagum, WMSU, Holy Cross, at Xavier U.

Ang mga mananalo sa tatlong elimination leg ay bibiyahe sa Boracay para sa semifinals at championship sa Abril 16-18.

Ang magkakampeon sa men’s at women’s division ay tatanggap ng P100,000 at tropeo habang ang kanilang mga eskwelahan ay bibigyan ng P50,000 halaga ng sports equipment. Ang runner-up ay magkakamit ng P50,000 at ang third placer ay P25,000 na inihahatid din ng Speedo, Cebu Pacific, Mikasa, Coppertone, Shakey’s, SMART, Power Plant Mall, Ayala Center Cebu at TGI Friday’s.