Baculi vs former team sa PBL finals

Sina James Yap, Ritchie Alvarez at Ranidel De Ocampo ang siyang may pinakamataas na suweldo as a rookie ngayong taon na ito sa PBA.

But of course, they deserve what they got.

Samantala, ‘yung iba naman eh mas mababa pa sa P100,000 ang makukuhang suweldo. Lalo na ‘yung mga nakuha na sa second round.

Maloloka ka! Pero ‘yung iba ay binigyan rin ng offer na P30,000 a month salary.

* * *

Welcoat vs Fash. Baculi vs former team. Baculi kalaban ang team na maka-limang beses din niyang ginawang champion.

Magandang labanan ‘yan at tiyak na panonoorin ng maraming tao.

Mas malalim ang bench ng Welcoat pero hindi sila dapat mag-easy-easy laban sa Fash.

Malakas din ang line-up nito lalo na’t nandiyan si Richie Alvarez at Eugene Tan sa backcourt.

Siguradong blockbuster sa takilya ng PBL sa finals na ‘yan.

* * *

Kumusta na raw kaya ang mataray na misis ng isang hindi na sumikat na basketball player?

Nung makatuntong sa PBA ang kanyang mister, akala mo raw eh kung sino na ang misis na ito. Kung mag-aasta, akala mo raw kung sinong maganda at mayaman.

Pag may fans na lumalapit kay player, nakasimangot na ang mukha niya pati mga fans eh pinagseselosan.

Pati mga kaibigan ni player eh nilayuan na siya dahil sa ugali ng kanyang misis.

Ngayon, walang team si player. Paano na kaya mag-aasta si misis?

* * *

Tama ‘yang ginagawa ng ibang teams na ang coach na nila ang pinapaalis nila para maghanap ng import sa Amerika.

Hindi na dapat umasa sa mga player-agent na madalas, palpak ang dinadala rito.

Mas magastos ‘yung kukuha ng import, at pag palpak eh pauuwiin lang at kukuha na naman ng bago, at pag palpak uli eh pauuwiin na lang.

Ngayon, bahala si coach. kapag kukuha siya, ibig sabihin, garantisadong gusto na niya ‘yun. Pag pumalpak, si coach na lang ang sisisihin ng management.