Thoss, pumirma na ng kontrata

Sa mga first round draftee, si Joachim Thoss ang kauna-unahang player na pumirma ng kontrata.

Nilagdaan ni Thoss ang dalawa’t kalahating taong kontrata sa Alaska kagabi na nagkakahalaga ng P5.4M.

Susunod kay Thoss ang no. 2 pick na si James Yap na pipirma naman ngayon ng tatlong taong kontrata sa Purefoods .

Nakipagkasundo na ang top draft pick na si Rich Alvarez sa Shell sa tatlong taong kontrata ngunit hindi pa ito naka-kapirma.

Inaasahang sina Thoss, Yap at Alvarez ay tatanggap ng maximum salary para sa mga rookie players.

Naging mabilis ang negosasyon ng Alaska para sa kanilang no. 5 pick na si Thoss dahil sa simula pa lamang ay interesado na sila sa 6’7 center na half-Filipino, half-German.

"We wanted him for his size, obviously. He improves our frontline immensely. I’m confident we can compete with him," ani Alaska coach Tim Cone.

Nagkasundo na rin ang Alaska at ang second round pick na si Willy Wilson at sa kanilang third round pick na si Bernzon Franco.

Pumayag si Wilson sa P3.2 million habang si Franco ay may 18-month deal na nagkakahalaga ng P60,000 a month.

Ang kontrata ni Yap sa Purefoods ay inaasahang aabot sa P9 million.

"It’s my dream to play in the PBA. punta, Matagal ko ng favorite team ang Purefoods," ani Yap.

Samantala, ibabalik naman ng Purefoods si Leonard Cooke para ma-ging import nila sa Fiesta Cup at initsapuwera na si Derrick Brown.

"Right now, we don’t have size after trading Andy (Seigle) to Ginebra. And we have to hide that weakness," ani Purefoods coach Ryan Gregorio. (Ulat ni Carmela V. Ochoa)