May bagong coveror na ang PBA

Nakatakdang ipormalisa ng PBA ang pakikipagkasundo sa kanilang bagong TV coveror sa linggong ito.

Binibitin ni PBA Commissioner Noli Eala ang announcement ng bagong carrier station ng liga dahil aniya’y kailangan pang ayusin ng maigi ang detalye ng deal.

"We have to finalize a few things and sign a contract first. Until that happens, I am not at liberty to make any announcement regarding the television coveror of the league," ani Eala.

Inamin ni Eala na may napili nang coveror ang liga at ipinopormalisa na lamang nila ang agreement.

"It’s just a matter of me talking with the representatives of the network the board chose and then we will make formal the announcement," aniya.

Ayon sa isang source, sa ABC-5 na ibibigay ng PBA ang TV rights matapos nitong makuha ang boto ng ilan sa mga miyembro ng PBA Board of Governors.

Idinagdag pa ng impormante na magbibigay ang ABC-5 ng P100 milyong capital sa pagpirma ng kontrata.

Gayunpaman, patuloy pa rin ang Jemah-IBC tandem at NBN-4 sa pakikipagnegosasyon para makuha ang broadcast rights ong liga.

Sinabi pa ng source na pinaguusapan na lamang ang schedule ng pagsasa-ere ng liga.

Plano ng ABC na ipalabas ng live ang second game at ang first game ay sa susunod na araw o di kaya ay bago magsimula ang second game ng susunod na game-day.

"The board is hoping it can get to air both games live," sabi ng source.