Dayrit pinayuhani GTK

Para sa pakikibaka ni Philippine Olympic Committee president Celso Dayrit laban kay Philippine Sports Commission Chairman Eric Buhain, may isang payo si athletics chief Go Teng Kok.

Para pakinggan ni Buhain ang panawagan ni Dayrit na ituon ang paggastos ng Gobyerno para sa 2005 Southeast Asian Games hosting ng bansa, kailangan maging kaisa nito ang mga national sports associations sa kanyang adhikain.

"If Mr. Dayrit wishes to continue fighting the PSC, I must advise him that he cannot keep it up if even his friends in the POC do not back him."

Matatandaang binatikos ni Dayrit ang PSC sa pagsasabing mali ang kanilang prayoridad sa paggastos.

Ayon kay Dayrit, imbes na gastusin sa mga grassroots events tulad ng Palarong Pambansa, Batang Pinoy at Mindanao Games, igugol na lamang ang malaking halaga na ginagamit sa pagtatanghal ng mga multi events na ito sa paghahanda ng bansa para sa 2005 SEA Games.

"I don’t think the PSC will entertain complaints and protests if they’re just coming from one person. Mr. Dayrit must talk to all NSAs, rekindle the sense of unity and camaraderie in the POC which, as one, would be a force to reckon with in dealing with the PSC" dagdag pa ni Go na malimit ding makabanggaan ni Dayrit.

Ito ang payo ni Go na nais nang makipag-ayos kay Dayrit na inaasahan niyang magsisimula ng ‘unity’ sa POC.

"This is my second life," ani Go, na nakaligtas sa salvage attempt noong July. "I want to spend it with a doubled effort in sports development. My wish for my colleagues in sports, particularly Mr. Dayrit, is to join me in attaining unity in the POC," dagdag pa ng athletics chief na nagsabing hindi na rin ito tatakbo sa 2004 election para sa POC presidency.