Gabica 'di pa rin natitinag

Nagpakita ng poise at determinasyon ang back-to-back Tokyo 9-Ball Open champion na si Antonio ‘Gaga’ Gabica at dispatsahin ang mga beteranong kalaban kahapon sa "Search for Tanduay the No. 1 Billiards Player" sa Robinson’s Malls.

Unang dinispatsa ni Gabica si Daniel de la Rosa, 5-2 bago isinunod si 2003 Tokyo 9-Ball Classic champion Cresencio Baliton, 5-3.

Dahil sa dobleng panalong ito ni Gabica, mananatili ito bilang tampok na cue artist sa ikaanim na linggo para naman harapin ang mga bagong maghahamon sa event na binuo ni Tanduay Advertising Manager Larry Li at suportado naman ni Tanduay Distillers Marketing Manager Andres Co.

Ang ‘Search for Tanduay the No. 1 Billiards Player’ ay tumatanggap pa ng mga challengers mula sa iba’t ibang rehi-yon na naniniwala sa kanilang kakayahan at pangarap na maging susunod na billiards superstar.

Para sa lahat ng inte-resado, tumawag sa Cor-porate Billiards League secretariat sa 0918-9219934 o mag-log sa www.corporate[email protected].