Bago ito, isang makulay na ticker-tape parade ang sasalubong kay Pacquiao, na muling nagbigay ng karangalan sa bansa makaraang igupo si Marco Antonio Barrera sa San Antonio, Texas, pagkatapos ng flag-raising ceremony sa Manila City Hall.
Ang parada ay dadaan sa University Belt, Buendia at Ayala Avenue patungo sa Palasyo ng Malakanyang, kung saan sasalubungin siya ng First Family na kinabibilangan ng Pangulo, First Gentleman Mike Arroyo at Pampanga Vice Governor Mikey Arroyo, na malapit na kaibigan ng Pinoy champ.
Makakasama naman ni Pacquiao sa pagtungo sa Malacañang ang kanyang asawang si Jinky, dalawang anak na lalaki at ang kanyang business manager na si Rod Nazario.
Magbibigay naman ng concert victory party ang Manila para kay Pacquaio mamayang alas-7 ng gabi sa Plaza Sulayman sa may Roxas Blvd.