Dating ballboy milyonaryo na

Malalaman natin ngayong araw na ito kung magtuloy-tuloy ang ligaya ng mga fans ng Ginebra San Miguel. Kapag nakuha nila ang game ngayon, pasok sila sa semis. Kapag natalo sila ng Coca-Cola, delikado pa sila.

Siguradong punong-puno na naman ang coliseum sa mga laro ngayong araw na ito.

Good for the PBA.

* * *

Ang tawag sa player na ito ay Mr. Kuripot.

As in talagang kuripot siya.

Kahit daw pag birthday niya, di siya nagbo-blow out.

Kahit mayaman na siya, mumurahing cellphone ang gamit niya.

Sa team niya, siya ang may pinakamumurahing cellphone.

Tipid na tipid ang bata.

May binabayarang bahay na binili niya kamakailan lang.

May dahilan naman pala...

* * *

Dati’y habol nang habol ang may-ari ng isang sikat na brand ng rubber shoes sa isang PBA player.

Interesado silang gawing endorser ang sikat na player na ito.

Pero hingi siya nang hingi ng mataas na talent fee thinking na isa na siyang superstar.

Umayaw na tuloy ang mga may-ari.

Ngayon, wala nang kumukuha kay player

Siya ngayon ang habol ng habol dun sa may-ari pero hindi na siya pinapansin.

Ayaw na sa kanya.

Besides, hindi naman siya tuluyang sumikat.

* * *

Ang mga kumpiradong magpapa-draft para sa 2004 PBA season-- Richie Alvarez, Wesley Gonzales, Ranidell de Ocampo at Paul Artadi.

Sino kaya sa kanila ang magiging number one pick?

* * *

Asensado na ngayon ang isang dating ballboy ng isang basketball team. Hindi na siya alalay ngayon.

Naka-Pajero na siya ngayon at maganda na ang buhay.

Tumama siya sa lotto.

* * *

Personal: Happy happy birthday today kay Jerry Codiñera, hi to Tita Virgie Santos at sa kanyang anak na si Carmela Santos at abangan ang paglabas ng bagong sports magazine na may pamagat na Sports Times na may kasama pang Showbiz Times.