GM Antonio kampeon sa Bangkok Chessfest

NAGDALA ng karangalan sa bansa si Grandmaster Rogelio "Joey" Antonio, Jr. (ELO 2521) na nagkampeon sa katatapos na 3rd Bangkok International Open matapos magkasya sa draw sa last round opponent na si IM Alexey Romanov ng Russia sa 15 moves ng Caro-Kann Defense sa Amari Beach Resort sa Pattaya, Bang-kok, Thailand kahapon.

Si GM Antonio ay miyembro ng Philippine Army’s Special Services Group under kay Lt. Col. Robert Arevalo, ang SEA Games bound 2nd seed ay lamang ng isang puntos patungo sa final round ng torneong ito na nilahukan ng 5 GMs, 7 IMs at FM’s na may kabuuang 80 players.

Si GM Antonio ay nakalikom ng 7.5 points matapos ang siyam na laro kasama na dito ang itina-lang tagumpay kina IM Myo Naing ng Myanmar (2394) rd.7 (Caro Kann 56); at FM Pitri Kekki (2343) rd.8 (French Defense 67).

Samantala, nakalikom ng 6.5 puntos si defending champion Russian GM Ruslan Pogorelov para makisosyo sa ika-2nd hanggang 6th placers at kahanay sina GM Alexei Barsov (2526) ng Ukraine, IM Alexey Romanov (2435) ng Russia, Wynn Zaw Thun (2400) at IM Myo Naing (2394) ng Myanmar.

Nagtapos lamang ng 6.0 points ang isa pang RP’s bet GM Buenaventura "Bong" Villamayor (2484) at kasama sina GM Zaw Win Lay (2497) ng Myanmar, RP’s IM Nelson Mariano at IM Zaw Oo (2400) ng Myanmar.

Tinanghal na best woman player si WIM Cristine Rose Mariano na may 5.5 points, WFM Sheerie Joy Lomibao (4.5)at ASEAN under-8 champion Cheradee Cheradine Camacho (4.5).