Gary V. kakanta sa Vietnam SEAG

Matapos si Lea Salonga, si Gary Valenciano naman ang hahataw sa international scene.

Si Valenciano ang napiling kumanta ng english version ng anthem para sa darating na 22nd Southeast Asian Games sa Vietnam sa Disyembre 5-13.

"Gary Valenciano was chosen to sing the english version of the anthem for the opening ceremonies of the Vietnam Southeast Asian Games," ani Sports Tourism Director Cynthia Carrion ng Department of Tourism (DOT) kahapon.

"And he agreed to sing for free," dagdag pa nito.

Tatayong chairman ng turnover ceremony si Carrion, dating Philippine Sports Commissioner, sa Vietnam SEA Games.