PCA Open Juniors Netfest papalo

Papalo ang 22nd Philippine Columbian Association Open Tennis Championships na tinaguriang pinakamalaki at mahabang netfest sa bansa sa October 18 na mayroong junior competitions sa PCA outdoor courts sa Plaza Dilao.

Ang P400,000 Open division ay itinakda naman sa November 15-25 kung saan inaasahang lalahukan ito ng mga mahuhusay na local na tenista na pangungunahan ng defending men’s champion na si Joseph Victorino at ang kasalukuyang women’s titlist na si Czarina Mae Arevalo.

Ngayong taon ang PCA organizing committee ay naglagay ng website (www.pcaopen.rog) upang mas lalong makarating sa mga manonood at maipaabot ang nasabing event sa lahat lalo na sa mga kabataan.

Ang mga manlalaro na interesado ay maaaring makipag-ugnayan kina Loida Mallare o Cesar San Juan sa Philta office (525-6434) o tournament director Bobby Mangunay Anette Reclusado sa PCA Open Secretariat (563-8501 loc. 113, 131, 132 at 562-9278).

Ang entry fees ay P300 (singles) at P500 (doubles) sa Open division, P200 sa juniors at P5,000 sa corporate at interclub divisions.