Suarez,Canare umabot sa top 24

TEGUCIGALPA, HONDURAS -- Umabot sina CJ Suarez at Jojo Canare ng Philippines sa top 24 ng men’s and women’s ng Bowling World Cup sa Planeta Sipangco bowling center dito.

Si Suarez, gold medalist sa 2001 SEAG ay napanatili ang kanyang No. 5 spot makaraang maka-ipon ng 4,384 pins matapos ang 20 games para sa average na 219, habang bumalik naman sa No. 7 si Canare mula sa 11th place, sa kanyang kabuuang 4,169 pins sa average na 212.

Naghahabol si Suarez sa kasalukuyang leader na si Bill Hoffman ng US ng 275 pins papasok sa susunod na yugto ng qualifiers na isa pang 12-game series para sa mga kasama sa top 24.

Ang top 24 men at women ay aabante sa susunod na round ng kompetisyon. Kasunod ang 12 pang games na qualifying kung saan huhugot ng top 8 para sa quarterfinals.