UA-P vs PMI; PCCr vs LPC

Dalawang upuan sa kampeonato at paglapit sa pintuan ng pinakamimithing titulo ang pag-aagawan ng apat na nalalabing koponan ngayon sa pagsiklab ng semifinal round ng 9th CUSA season basketball tournament sa Rizal Memorial Coliseum.

Maghaharap ang No.2 seed University of the Assumption-Pampanga at No.5 at host Philippine Maritime Institute sa unang laban na itinakda sa ganap na ika-11 ng umaga at ito ay susundan ng pagsasa-gupa ng top seed na Philippine College of Criminology kontra No.3 seed at defending champion Las Pinas College.

Ang mananalo sa dalawang knockout game na ito ay uusad sa best-of-three finals na dedetermina sa tatanghaling kampeon sa season na ito.

Ang kampeonato ay mag-sisimula sa Miyerkules. (Ian Brion)