Everyday Is Your Birthday

Ipagdiriwang ng Everyday Is Your Birthday Foundation na itinatag ni Patricia ‘Shaan’ Bermudez ang ika-3rd anniversary ng kanyang foundation sa September 6 sa Cuneta Astrodome.

At bilang pagdiriwang ng kanilang ikatlong taon, inaanyayahan ni Shaan ang lahat ng kanyang mga kaibigan at kakilala na makipag-celebrate ng kanilang anibersaryo sa pagbibigay ng pagmamahal at oras sa mga bata mula sa Damas de Filipinas, White Cross for Children, Hospicio de San Jose at Jesus Loves the Little Foundation.

Ito ay sa pakikipagtulungan din ng McDonalds, Nestle Phils., Teriyaki Boy, Goodwill Bookstore, Talk N Text, Alaska, Vince Hizon Foundation, Black&Decker, Coca-Cola, Barangay Ginebra, Cartoon Network at FedEx.

Kaya go na kayo sa Cuneta at kung puwede magdala kayo ng mga lumang damit, laruan at libro para sa kanila.

Tayo na at makipagsaya sa mga kapus-palad na bata, mula alas-2 hanggang alas-6 ng gabi.

Anyaya ni Shaan!

* * *

Napadalaw ako noong Linggo sa Cuneta Astrodome.

Well, okay naman ang attendance kumpara sa Invitational Cup kung saan talaga namang puwedeng maglaro ng baseball kahit sabay ang apat na teams.

O baka naman kaya dahil may game ang Barangay Ginebra na nagkataong ang kalaban pa ay ang San Miguel Beer.

Sana naman, makabawi na ngayon ang PBA in terms of attendance.

Sana nga!

* * *

Isang seksing babae ang umupo sa tapat ko kung saan nakikipagkuwentuhan ako sa kaibigang si Millotte Caidic (ang maganda at seksing asawa ni coach Allan).

Tinanong ko si Millotte kung sino ‘yung babae na papasang boldstar dahil sa kaseksihan.

"Si Juliana Palermo ‘yan" sagot ni Millotte.

Hindi ko nakilala dahil ibang-iba ito sa mga photos na nakikita ko. Hindi gaanong kagandahan tulad ng ini-expect ko na sa mga photos niya ay mukhang mestisa at class ang dating.

At sino ang pinanonood niya?

Well, si Mark Caguioa po!

Balita ko nga, sila na!

At sino naman ang pinanonood ni Anna Capri?

* * *

Personal: Happy birthday sa aking auntie na si Tita Girlie (Sept 3), Pido Jarencio (Sept. 3) Linda Vergara (Sept. 4), Pareng Barry Pascua (Sept. 5) at higit sa lahat sa aking Dad, Ric dela Cruz (Sept. 10).