DLSU lusot sa NU sa OT

Dumaan muna sa overtime ang De La Salle University bago nila ipi-noste ang 95-82 panalo kontra sa National University kahapon sa UAAP men’s basketball tournament sa Ateneo gym.

Nakabawi ang La Salle sa kanilang 72-74 pagkatalo kontra sa Far Eastern University kamakalawa upang saluhan ang FEU Tamaraws sa pangkalahatang pamumuno dulot ng kanilang parehong 4-1 win-loss slate.

Pinangunahan ni Joseph Yeo ang DLSU Green Archers sa pagkamada ng 17-puntos upang ipalasap sa NU Bulldogs ang kanilang ikaapat na sunod na kabiguan makaraang magtagumpay sa kanilang debut game, 74-70 laban sa University of the Philippines.

Nahatak ng La Salle ang laro sa overtime nang pumukol si Yeo ng triple na siyang nagtabla ng score sa 79-all may 1.2 segundo na lamang ang nalalabing oras sa regulation.

Hindi basta-basta naipagpag ng La Salle ang oposisyong ibinigay ng Nationals na nanatiling nakadikit sa 83-82 sa extra period.

Sa ikalawang laro, nanalo naman ang defending champion Ateneo kontra sa UP, 70-68. (Ulat ni CVO)